Сыхаг республикæтæй иуы 30-аздзыд цæрæджы ныхмæ арæзт уголовон хъуыддагмæ прокуратурæйы зылынгæнæн хатдзæгимæ ацы бонты æркаст Мæздæджы районы тæрхондон.
Прокуратурæйы зылынгæнæн хатдзæг хынцгæйæ, тæрхондон нæлгоймаджы банымадта азымджыныл УФ-йы Уголовон кодексы 264.3-æм статьяйы 1-æм хайы («Административон æгъдаухæлды тыххæй йæ шофыры бартæй кæй фæиппæрд кодтой, уыцы адæймаг ногæй хæдтулгæйы рулыл бабадт») бындурыл.
Оперативон бæрæггæнæнтæм гæсгæ, 2025 азы декабры фæндаггон-патрулон службæйы кусджытæ нæлгоймаджы баурæдтой, Мæздæджы уынгтæй иуы йæ хæдтулгæйыл куы фæцæйцыд, уæд. Куыд рабæрæг, афтæмæй уымæй раздæр нæлгоймагæн административон æгъдаухæлды тыххæй йæ шофыры бартæ байс-
той. Фæлæ ,уыцы æууæл ницæмæ ’рдаргæйæ, нæлгоймаг ногæй хæдтулгæйы рулыл бабадт… Ахæм гуымиры æгъдаухæлды тыххæй нæлгоймаджы ныхмæ сарæзтой уголовон хъуыддаг, йæ хæдтулгæ та йын иварон фæзы æрæвæрдтой.
Хъуыддаджы æппæт æууæлтæм æркæсгæйæ æмæ прокуратурæйы зылынгæнæн хатдзæг хынцгæйæ, тæрхондон азымджынæн снысан кодта æнæмæнг æххæстгæнгæ куыстыты 200 сахаты. Уыимæ, нæлгоймагæн хæстæгдæр 2 азы дæргъы нæ уыдзæн транспортон фæрæзты архайдимæ баст куыст æххæст кæныны бар.
Æмæ æрмæст уый нæ. Прокуратурæйы курдиатмæ гæсгæ, æгъдаухалæджы хæдтулгæ ист æрцыд паддзахады пайдайæн.
РЦИ-Аланийы
Прокуратурæйы
пресс-службæ
