Зæрдиаг арфæ уын кæнын Сылгоймæгты дунеон бон 8 Мартъийы фæдыл.
Уыцы диссаджы бон, кæцы сси уалдзæджы рæсугъддзинады, уæлтæмæнады бæрæгбон, дзаг у сылгоймæгтæн сæ таучел уды, зæрдæхæлардзинады æнкъарæнтæй. Уыдонмæ ис бинонты царды куырыхондзинад, сæ бон у цард хуыздæр æмæ æххæстдæр кæнын. Æппæт рæстæджыты дæр сылгоймаг уыдис бинонты фарн æмæ традицитæ хъахъхъæнæг. Хæдзармæ зæрдæйы хъарм æмæ уарзондзинады æнкъарæнтæ сылгоймагæй цæуынц.
Ирыстоны цæрынц нысанмæтырнæг, рæсугъд æмæ курдиатджын сылгоймæгтæ. Уыдонæн сæ къухы ‘фты стыр æнтыстдзинæдтæ профессион æмæ æхсæнадон архайды æппæт къабæзты, регионы рæзтмæ хæссынц егъау бавæрæн.
Ацы уалдзыгон бон мæ уæлдай зæрдæбындæр арфæтæ ракæнын фæнды хистæр фæлтæры сылгоймæгтæн. Уыдон фидар бындур сæвæрдтой нæ республикæйы æнтыстдзинæдты рæзтæн. Мæ сæрæй уын ныллæг кувын æмæ уын бузныг зæгъын уый фæдыл.
Бæрæгбоны хорзæх уæ уæд, мæ зынаргъ æмфыдыбæстæгтæ. Мæ зæрдæ уын зæгъы фидар æнæниздзинад, фарн æмæ бæрæгбоны равг. Ног уалдзыгон бæрæгбон уын æрхæссæд цин, амондджын цаутæ уæ царды. Уæ фæндтæ, уæ бæллицтæ уæ къухы бафтæнт!
Тускъаты Таймураз,Республикæ Цæгат Ирыстон-Аланийы
Парламенты Сæрдар
