Цæгат Ирыстоны Хетæгкаты Къостайы номыл паддзахадон университеты ректор Огъуаты Алан æмæ æрдзон наукæты факультеты декан Сергей Скупневский бабæрæг кодтой Мæскуыйы облæсты горæт Дубнайы уæвæг Ядерон иртасæнты иугонд институт.
Балцы рæстæг ныхас цыд университет æмæ дунейы раззагдæр наукон центртæй иуы ‘хсæн наукон æмæ ахуырадон æмгуыстад фæпарахат кæныны фадæттыл. Инс-
титуты директор, физикон-математикон наукæты доктор, Уæрæсейы Наукæты академийы академик Григорий Трубниковимæ хъуыддаджы фембæлд кæмæн уыд, нæ университеты уыцы минæвæртты базонгæ кодтой нырыккон наукон лабораториты куыстимæ (ацы лабораторитæ иртасынц радиацион биологи, нейтронон физикæ æмæ ядерон реакцитæ).
Фембæлды архайджытæ æрныхас кодтой иумæйаг наукон проекттыл. Æм-
гуыстад æххæст кæндзысты чырæгон биологи æмæ токсикологийы къабæзты. Ног хосты ахадындзинад сбæрæг кæндзысты. Æмгуыстад æххæст кæнгæйæ, уæлдай фылдæр æргом аздахдзысты радиобиологон æмæ радиомедицинæйы къабæзтæм.
Ныридæгæн цæгатирыстойнаг университеты ахуыргæндтæ-ботаниктæ æмæ дубнайаг специалисттæ иумæ иртасынц зайæгой экстрактты химион сконд, стæй ацы экст-
рактты миниуджытæ бæлвырд кæнынц. Фæстæдæр æмгуыстад фæпарахат кæнынмæ хъавынц: институты ахуыргæндтæ кæй иртасдзысты, университеты специалисттæм уыдзæн биологон уагæй ахæм активон буаргъæдты рауагъды ног мадзæлттæ бавдисыны бар; Ядерон иртасæнты институты ахуыргæндтæ та цæттæ сты химион иугæндты хицæнкæнынад æмæ сæ сыгъдæг кæныны нырыккон технологитæй (мембранон фæрсыгъды мадзæлттæ нымайгæйæ) рахай кæнынмæ.
Уымæй уæлдай, Дубнайы кæй аразынц, ЦИПУ-йы ахуыргæндтæ-физиктæ
уыцы коллайдер «NICA»-йæн уæззау ионтæ æмæ элементарон хæйттæ ре-
гистрацигæнæн ифтонггарз бацæттæ кæныны
фæдыл куыст фæрæвдз кæндзысты. Ахуыргæнæндæтты минæвæрттæ баныхас кодтой ахуырадон бастдзинæдтæ фæпарахат кæныныл дæр. Дыууæ ахуыргæнæндоны иртасджытæ кæрæдзимæ лекцитæ кæсынмæ цæудзысты, ЦИПУ-йы студенттæн уыдзæн институты бындурыл практикæ ацæуын æмæ наукон куыстытæ æххæст кæныны фадат.
Æмгуыстады фæрцы цæгатирыстойнаг университет æмæ дубнайаг
институты ахуыргæндтæн уыдзæн пайдайаг иумæйаг дисциплинæты иртасынад сæххæст кæнынæн наукон авналæнтæ баиу кæнын æмæ æрыгон специалистты цæттæ кæныны фадат.
Цæгат Ирыстоны
паддзахадон
университеты
пресс-службæ
