Уæрæсейы Адæмты иудзинады аз æмæ советон сылгоймæгты Антифашистон комитеты 85 азы кадæн Цæгат Ирыстоны паддзахадон университеты журналистикæйы факультеты скодтой Гризодубоваг бакастытæ. Архайдтой дзы ахуыргæндтæ, студенттæ, журналистикæйы студийы æвзонг уæнгтæ.
Бакастытæ конд æрцыдысты Уæрæсейы Сылгоймæгты цæдисы цæгат-ирыстойнаг хайадимæ. Йæ разамонæг Людмила Тихонова журналистикæйы факультеты декан Хæбæлаты Фатимæйы схорзæхджын кодта ри-уылдаргæ нысан «Фыдыбæстæйы чызджытæ»-йæ. Уыцы æхсызгон æмæ бæрнон хæс сæххæст кодта Уæрæсейы Сылгоймæгты цæдисы президент Екатерина Лаховайы номæй, историон зæрдылдарæнтæ хъахъхъæнынмæ йе стыр бавæрæн æмæ рæзгæ фæлтæрты хъомылады тыххæй.
Журналистикæйы факультеты бакастыты фæлгæты байгом «Сылгойма-джы цæсгом Уæлахизы»-ы равдыст. Скодтой йæ номдзыд сылгоймаг-тæхæг, Советон Цæдисы Хъæбатыры ном сылгоймæгтæй фыццаг чи райста, уыцы Валентина Гризодубовайы кадæн. Журналис-тикæйы студийы æвзонг уæнгтæ, сæ разамонæг Гаглойты Дзерассæ, афтæмæй рæгъмæ рахастой сæ видеосюжеттæ: уым уыд Валентина Гризодубовайы, Дауыраты Илитæйы, Татьяна Плещевенкойы тыххæй æрмæг.
Хæбæлаты Фатимæ куыд фæбæрæг кодта, афтæмæй ацы бакастытæ кæстæр фæлтæртæм зонындзинæдтæ, æппæт хабæрттæ адæттыны бар дæттынц. «Нæ бæстæйы фидæн ис фидар къухты, мах æй куыд уынæм, раст ахæм уыдзæн», – загъта журналистикæйы факультеты декан.
Цæгат Ирыстоны
паддзахадон
университеты
пресс-службæ
