Цæгат Ирыстоны паддзахадон медицинон колледжы ахуыргæнджытæ æмæ студенттæ сæ директор Реуазты Таймуразы разамындæй зæрдиаг арфæтæ ракодтой сæ хистæр æмкусджытæй иу – Томайты Валентинæйæн.
Ацы бонты Валентинæ сбæрæг кодта йæ юбилей. Уыимæ, юбиляр 50 азы бæрцы кусы медицинон колледжы хирургийы ахуыргæнæгæй (20 азæй фылдæр уыд практикон ахуырты разамонæг дæр).
Уымæй уæлдай, Томайты Валентинæйæн арфæтæ ракодта РЦИ-Аланийы Парламенты депутат Уататы Зелим дæр. Уый Уæрæсейы Коммунистон партийы сæрдар Геннадий Зюгановы номæй юбилярæн саккаг кодта зæрдылдарæн майдан.
Нæ уацхæссæг
