Фонд «Фыдыбæстæ хъахъхъæнджытæ»-йы хайад РЦИ-Аланийы æмæ интеллектуалон клуб «Альбус», (йæ разамонæг Бориты Жаннæ), сарæзтой ахуырадон проект «Хъæбатырдзинады фæндæгтыл».
Йæ сæйраг нысан у æрыгон фæсивæды патриотон хъомылад. Фыдыбæс-
тæйы Стыр хæсты æмæ сæрмагонд æфсæддон операцийы хъæбатыр-дзинад – сты Фыдыбæстæ хъахъхъæнджыты лæгдзинады ирд дæнцæг. Уыдоныл ахуыр кæны ныры фæсивæд.
Республикæйы скъолаты арæзт æрцыд 30 мадзалæй фылдæр: лекцитæ, ветерантимæ фембæлдтытæ, интеллектуалон ерыстæ, телевикторинæтæ. Историктæ, политологтæ, æхсæнадон архайджытæ ахуырдзау-тæн радзырдтой, Фыдыбæстæйы Стыр хæсты советон адæм цы хъæбатырдзинад равдыстой, уый тыххæй. Ахæм фембæлдтыты сæйраг архайджытæ сты сæрмагонд æфсæддон операцийы ветерантæ. Уыдон сын радзырдтой сæ мысинæгтæ æмæ лæвæрдтой ныстуантæ.
Проект республикæйы æххæстгонд цæуы Сæрмагонд æфсæддон операцийы ветеранты ассоциацийы хайад, Адæмон фронт, РЦИ-Аланийы Ахуырад æмæ наукæйы министрад æмæ Фæсивæды хъуыддæгты фæдыл комитеты æххуысæй. Проектæн финансон æххуыс кæны Президентон грантты фонд.
ХЪОЙБАЙТЫ Галинæ
