Уалдзыгон донивылдтыты аххосæй цы æнæнхъæлæджы цаутæ æрцыд, уыдонмæ гæсгæ Цæгат Ирыстоны «Роспотребнадзор» фæкарздæр кодта доны хæрзхъæддзинадмæ, стæй донгуырæнты æмæ санитарон-эпидемиологон уавæрмæ цæстдарды мадзæлттæ.
Цæстдарæн архайд æххæст кæнынц РЦИ-Аланийы «Роспотребнадзор»-ы Гигиенæ æмæ эпидемиологийы центры специалисттæ.
Доны хæрзхъæддзинад – йæ хуыз, йæ ад гыццылдæр гуырысхойаг сты, зæгъгæ, уæд дзы хомæй пайдагæнæн нæй, амоны «Роспотребнадзор». Хъæуы йæ сфыцын, науæд та, æвгты кæй уæй кæнынц дуканиты, ахæм æлхæнгæ донæй пайда кæнын.
Доны хæрзхъæддзинад иртасæн мадзæлттæ арæзт цæудзысты алы бон дæр, æмæ уыцы лабораторон бæрæггæнæнтæ «Роспотребнадзор» адæмæн хъусын кæндзæн, стæй мыхуыргонд цæудзысты управленийæн йæ сайты интернеты.
Нæ уацхæссæг
