УФ-йы Федерацийы Советы цы ‘мбырд уыд, уым ныхас рауад ног федералон закъæтты проектты тыххæй.
Сенаторты рæгъмæ цы закъонæвæрынадон хъæппæристæ рахастæуыд, уыдонæй иу баст уыд УФ-йы Зæххы кодексмæ ивддзинæдтæ бахæссыны проектимæ. Фарстайы фæдыл доклад скодта Федерацийы Советы уæнг Цæгат Ирыстонæй Виталий Назаренко.
Сенаторы ныхасмæ гæсгæ, ног закъоны проект бæлвырддæр кæны зæххы фæрæзтæй пайда кæныны фæтк. Сæрмагонд æргом дзы здæхт цæуы федералон исбонады зæххытæ регионалон кæнæ муниципалон æмвæзадмæ дæттыны фарстамæ. «Регионты социалон-экономикон райрæзтыл кусгæйæ, арæх бахъæуы уæлæмхасæн зæххы участоктæ. Уыцы фарстатæ алыг кæныны куыст ис федералон ведомствæты бæрны. Уыдон рахæссынц уынаффæ иу кæнæ иннæ федералон зæххы фондæй регионæн рахай кæныны тыххæй. Ног закъоны проект ба-
бæстон кæндзæн уыцы зæххытæ дæттыны фæтк. Уыимæ, регионтæн æнцондæр уыдзæн фарстайыл бакусын», – бафиппайдта Виталий Назаренко.
Сенатортæ закъоны проект хорзыл банымадтой. Ныр æм Федерацийы Совет æркæсдзæн йæ радон пленарон æмбырды.
ÆЛБОРТЫ Зæлинæ,
УФ-йы сенаторы æххуысгæнæг
