Цæгат Ирыстоны Сæргълæууæг Сергей МеняЙло фембæлд ахуырадон семинар «Коммуникация и лидерство в действии. Команда РСО-Алания»-йы архай-
джытимæ. Уый ацы бонты цæуы горæт Пятигорскы Зонындзинæдты центр «Машук»-ы. Семинары сты Сæргълæууæг æмæ нæ республикæйы Хицауады администрацийы кусджытæ, хицаудзинады минæвæрттæ, стæй сæрмагонд æфсæддон операцийы архайджытæ.
Семинары ахуырадон программæйы ис алыхуызон ахсджиаг фарстатæ – абоны фæсивæды хабæрттæ, Уæрæсейы фидæны традицион хæзнатæ, æвзæрстытæ аразыны стандарттæ, информацион боны фæтк æмæ афтæ дарддæр.
Сергей Меняйло куыд бафиппайдта, афтæмæй ахæм мадзæлттæ стыр æххуыс сты канд кæрæдзиимæ фембæлынæн нæ, фæлæ ма иумæйаг фæндмæ æрцæуынæн дæр. Иу-
дзинад у нæ царды сæйраг бындур, æмæ йæ хъæуы хъахъхъæнын, фидардæр кæнын.
Семинары фæлгæты йæ архайджытæн равдыстой киноныв «Рæстдзинады фæндагыл». Ныхас дзы цæуы, Цæгат Ирыстонæй сæрмагонд æфсæддон операцийы хæстæ чи æххæст кæны, уыдоныл.
– Кинонывы алы радзырд дæр у патриотизм, лæгдзинад æмæ æхсары ирд æвдисæн. Уыцы историтæ æнæмæнг хъæуы зонын. Махæй хъуамæ рох ма уой нæ хъæбатыртæ. Стыр бузныг зонындзинæдты центр «Машук»-æн, ахæм ахсджиаг программæ царды кæй рауагътой, уый тыххæй. Хицæн стыр арфæтæ та – киноныв саразджытæ æмæ йæ архайджытæн, сæ фидар удыхъару æмæ рæстдзинадæн, – загъта Сергей Меняйло.
Кинонывмæ бакæсыны фæстæ семинары архайджытæ раттой фарстатæ Сергей Меняйло æмæ кинонывы продюсер Кашина-Зассеты Ольгæмæ.
Кæронбæттæны Сергей Меняйло Арфæйы фыстæджытæ ратта «Машук»-ы ахуырадон архайды департаменты хицау Екатерина Ханæн, Центры директоры хæстæ рæстæгмæ æххæстгæнæг Дмитрий Садкойæн, киноныв «Рæстдзинады фæндагыл»-ы продюсер Кашина-Зассеты Ольгæ æмæ проекты автор Аннæ Захарянæн.
Нæ уацхæссæг
