Газет «Рæстдзинад»-ы уацхæссæг, РЦИ-Аланийы литературон музейы хистæр наукон кусæг Гасанты Валерийæн лæвæрд æрцыд Республикæ Цæгат Ирыстон-Аланийы культурæйы сгуыхт кусæджы ном.
Ацы кадджын хæрзиуæг нæ уарзон æмсисонæн саккаг кодтой культурæйы къабазы йæ бирæазон хъомысджын архайды тыххæй. Цæгат Ирыстоны Сæргълæууæг Сергей Меняйлойы номæй Валерийæн ратта республикæйы культурæйы министр Гуыдиаты Батрадз.
Бирæ азты дæргъы Гасанты Валери æнтыстджынæй кусы не ‘хсæн, у æнæкæрон зонындзинæдты хицау, æнæрынцойæ архайы нæ адæмы культурон бынтæ бахъахъхъæныныл.
Тынг æхсызгон нын у, йæ æвæллайгæ куыстæн аргъгонд кæй æрцыд, уый, æмæ йын зæрдиаг арфæ кæнæм! Дæ фыссæн сис макæд бакъуымых уæд, Валери, нæ зæрдæ дын зæгъы ног æнтыстдзинæдтæ дæ арфæйаг куысты!
Газет «Рæстдзинад»-ы коллектив
