Цæгат Ирыстонмæ кусæг балцы ссыдысты мæскуыйаг уазджытæ – Курчатовон институты наукон-иртасæн центры кусджытæ. Ахæм бæрзонд æмвæзады специалисттæн сæ зæрды ис сæ зонындзинæдтæ кæстæртæм адæттын.
Центр «Вершина»-йы байгом «Курчатовы кодтæ», зæгъгæ, сæрдыгон рад. Рады уæнгтæ зонындзинæдтæ исдзысты, бæстæйы наукæйы рæзт æмæ технологитæ чи бæрæг кæны, уыдонæй, фæхæстæгдæр уыдзысты сæ фæлтæрддзинадмæ. Скъоладзауты программированийыл ахуыр кæндзæн Анатолий Кушниренко, уый у ахуырадон информатикæйы хайады разамонæг, физико-матаматикон наукæты кандидат. Информатикæйæ ныффыста бирæ ахуырадон литературæ, сарæзта программированийы хуыз «КуМир».
Ахуырадон хъуыддаджы йемæ сты Миля Райко æмæ Анжелика Оханкина. Нырыккон ядерон медицинæ æмæ радиологи амондзысты: Олеся Родионова, Павел Ремизов, Дмитрий Петруня. Проекты иумæйаг хæстæ йæхимæ райста Кобегкаты Умати. Курчатовон институты ахуыргæндтимæ фæмбæлд скъоладзаутæн ратдзæн, ахуыргæндтæ ныртæккæ цæуыл кусынц, уый базоныны фадат.
РЦИ-Аланийы Ахуырад æмæ наукæйы министрады пресс-службæ
