Национ проект «Фæсивæд æмæ сывæллæттæ»-йы архайгæйæ, Дзæуджыхъæуы ахуырадон центр «Вершина» æххæст кæнын райдыдта сæрдыгон ахуырадон программæтæ.
Биноныг ахуырадон куыст æххæст кæнынмæ цæттæ чи у, химийæ ахуырад æмæ «Бæлвырд наукæты сæрдыгон скъола»-йы архайдтой ахæм ахуырдзаутæ.
– Канд фæллад суадзынмæ нæ, фæлæ ма, бæстон зонындзинæдтæ райсынмæ дæр чи ‘рбацыд, уыцы фæсивæд ахуырадмæ стыр æргом здахынц, – зæгъы ахуырадон центры директор Уæрдæсауты Зæлинæ.
Программæты фæрцы курдиатджын скъоладзаутæн ис бæстон ахуырадон авналæнтæ саразыны фадат.
Ахуырадон программæтæм хауынц лекцион æмæ практикон хæйттæ, стæй олимпиадон хæслæвæрдтимæ куыст. Ныридæгæн фæсивæд хæслæвæрдтæ ‘взарынц, стæй университет æмæ наукон центрты дæсны ахуыргæнджыты разамындæй сæхи цæттæ кæнынц биноныг куыстмæ.
Ахуырадон программæты хæс у ног ахуыры азмæ скъоладзауты бацæттæ кæнын.
РЦИ-Аланийы Ахуырад æмæ
наукæйы министрады пресс-службæ
