1963 азы Уæрæсейы Советон Федеративон Социалистон Республикæйы Цæугæдоны флоты министрады заказмæ гæсгæ, Венгрийы сæйраг горæт Будапешты науаразæн завод «Ганз Данубиус» сарæзта дыууæпалубон бæлццонласæн цæугæдоны нау «Терек».
Науæн ном раттой Гуырдзыстон æмæ Уæрæсейы территоритыл кæлæг цæугæдон Терчы кадæн. Ногарæзт нау бакодтой горæт Горькийы (ныры Дæллаг Новгород) наулæууæны бæрны æмæ ам «Терек» иннæ æмхуызон наутæ «Аму-Дарья», «Ангара», «Аргунь», «Ахтубæ», «Сунгари», «Сура» æмæ «Сухонæ»-имæ иумæ 1980 азы онг Мæскуыйæ Ростов-Доны æхсæн бæлццæтты ласта.
1976 азы декабры «Терек»-æн раттой ног ном «Комдив Гай». 1991 азы фæстæ нау рейсмæ нал цыд æмæ йæ 2005 азы литвайаг наулæууæн Клайпедæйы ныддихтæ кодтой.
Михаил Ткаченко
