Иу ирон æмбисонд ахæм ис: «Æмзонд цуанæттæ саг марынц, æнгом бинонтæ цард арынц». Къамæй уæм цы бинонты къорд кæсы, уыдон сты Мамиаты Шамилы цыппар фырты (Лади, Иван, Георги, Хадзымæт) бинонты æнгом къорд. Къам ист æрцыд 1930 азы Къостайыхъæуы, бинонтæ ма иууылдæр (ома 26 адæймаджы) иумæ куы цардысты, уæд. Ныр та базонгæ уæм се ‘ппæтимæ дæр. Къамы галиуырдыгæй рахизырдæм.
Фыццаг рæнхъы зæххыл бадынц:
Георги Ладийы фырт — 7-æм къласы ахуырдзау;
Нюся Хадзымæты чызг — æхсæзаздзыд;
Мурат Георгийы фырт — фондзаздзыд, фидæны историон наукæты доктор — профессор;
Нинæ Ладийы чызг — авдаздзыд;
Юрик Ладийы фырт — цыппараздзыд;
Алихан Иваны фырт.
Дыккаг рæнхъы:
Хазмæт Шамилы фырт;
Лади (Владимир) Шамилы фырт;
Иван Шамилы фырт (Алиханы фыд);
Георги — цыппæрæм æфсымæр дзы нæ бахауд.
Куысты фæдыл кæмдæр уыди.
Æртыккаг рæнхъы:
Елхъан Ладийы фырт (пединституты студент);
Леска — Иваны бинойнаг (йæ хъæбысы — Ладийы чызг Оля);
Вера — Георгийы бинойнаг (йæ хъæбысы — йæ хъæбул Батырбег, фидæны хъуыстгонд дохтыр, медицинон наукæты доктор, профессор, иумæйаг хирургийы кафедрæйы сæргълæууæг;
Феня — Хадзымæты бинойнаг (йæ хъæбысы Поли);
Аня Ладийы чызг (скъоладзау).
Мамиаты Таймураз,
журнал «Мах дуг»-ы дунеон конкурсы лауреат
