26 августы нæ бæстæ сбæрæг кæндзæн Æфсæддон автомобилон инспекцийы равзæрды бон. Уæд, 1942 азы, Фыдыбæстæйы Стыр хæсты æппæты уæззаудæр бонтæй иуы, Сырх æфсады автомобилон æмæ фæндаггон службæйы Сæйраг управлени бардзырд ратта Æфсæддон автомобилон инспекцийы историйы райдианæн. Иугонд æрцыдысты, автомобилон фæндæгтæ, фæндаггон-комендантон службæ æмæ инспекторон куыстыл дзуапп чи лæвæрдта, ахæм дæлхайæдтæ.
Афтæ фæзындис структурæ, йæ нысантæ та уыдысты, æфсæддон транспорты æдасдзинады цыд. Фыдыбæстæйы Стыр хæсты азты автомобилон транспортæн стыр ахадындзинад уыдис фронты. Æфсæддон фæндæгтыл цыдысты колоннæтæ хæцæнгарз, хойраг, артаг æмæ хæстонтимæ. Техникæйы æнæкъуылымпы цыд, фæндæгты уавæр æмæ афойнадыл сæ бынæттыл сæмбæлынæй аразгæ уыд æфсæддон хæйттæ хæцæнгарз æмæ хойрагæй сифтонг кæныны мадзалы. Æфсæддон автоинспектортæ æмæ фæндаггон службæйы специалисттæ сæ цæст дардтой æфсæддон транспорты цыдмæ, архайдтой маршруттæ аразыны æмæ æфсæддон коммуникациты фæтк æвæрыны хъуыддæгты. Фронты уавæрты уый хуымæтæг куыст нæ уыдис, фæлæ æфсады хъомысæн ахъаззаджы æххуыс.
Хæсты фæстæ автомобилон инспекцийы ахадындзинад дарддæр дæр рæзтис. 1945 азы уынаффæ рахастой, гарнизонты æнæштатон æфсæддон автомобилон инспекцитæ саразыны фæдыл. Рæстæгимæ сæ хæстæ æмæ нысантæ уæрæхдæр кодтой, йæхæдæг системæ та Советон Цæдисы Гæрзифтонг тыхты æмæ æфæддон автомобилон техникæйы сконды ногдæр. Хæсты рæстæджы бындурæвæрд традицитæ абон дæр дарддæр цæрынц. Æфсæддон автомобилон инспекци у Уæрæсейы Федерацийы Гæрзифтонг тыхтæ æмæ системон æфсæддон пъæлицæйы иу хай. Йæ специалисттæ сæ цæст дарынц фæндæгтыл æфсæддон техникæйы æдасдзинад æмæ техникæйы куысты нывыладмæ, архайынц æфсæддон колоннæты цыды организацион фарстаты.
Уæлдай стырдæр ахадындзинад ацы куыстæн фæцис, сæрмагонд æфсæддон операци куы райдыдта, уæд. Æфсæддон автоинспектортæ вазыгджын уавæрты сæ хæстæ æххæст кæнынц, æфсæддон техникæйы цыды æмæ, «личный состав» кæй хонынц, уыцы хæйтты æдасдзинады фарстаты. Нырыккон уавæртæ æфсæддонтæй канд бæрзонд дæсныйады цæттæдзинад нæ домынц, фæлæ стыр бæрнондзинад, æхсардзинад, цавæрфæнды æфсæддон хæстæ æххæст кæнынмæ сæрæн уæвыны миниуджытæ. Æфсæддон автоинспекторты куысты тыххæй сæрмагонд æфсæддон операцийы зонæйæ сæрмагонд информацион хъусынгæнинæгтæ цæуынц.
84 азы дæргъы Æфсæддон автомобилон инспекци ссис нæ бæстæйы Гæрзифтонг тыхты историйы иу хай. Ивд цыдис техникæ, ногдæр кодтой фæндæгтæ, цæстдарды мадзæлттæ, фæлæ æнæивдæй баззад æфсæддон транспорты цыды æдасдзинады фарста.
26 августы хуымæтæг бон нæу къæлиндары. Уый у, структурæйы бындурæвæрды йæ сæргъы чи лæууыдис, уыдоны нæмттæ æрымысыны бон, ветерантæ æмæ æфсæддонтæн, абон дæр йе ‘фсæддон хæс дарддæр чи æххæст кæны, уыдонæн кад скæныны бон. Фыдыбæстæйы Стыр хæсты фронты фæндæгтæй абоны сæрмагонд æфсæддон операцийы маршруты онг дæр Æфсæддон автомобилон инспекци у сæ æдасдзинады вазыгджын системæ.
Хуссайраг зылды автоинспекцийы пресс-службæ
