Уæрæсейы Федерацийы Паддзахадон тырысайы боны фæткмæ гæсгæ, Алагиры районы ацыд æппæтуæрæсеон акци «Мах – Уæрæсейы граждæнтæ!».
Дзыллон мадзалæн фадæттæ арæзтой районы мидхъуыддæгты хайады æхсæнадон советы уæнг Ханайты Таймураз, фæсивæды хъуыддæгты комитет æмæ бирæкъабазджын центры муниципалон хайад. Проект «Фыццæгты змæлд» æххæст кæныны фæткмæ гæсгæ, районы æвзонг цæрджытæн сæ фыццаг паспорттæ кадджын уавæры раттой.
Акциаразджытæ фæсивæдæн ахсджиаг цауы фæдыл раарфæ кодтой æмæ загътой, бæстæйы гражданины сæйраг документ райсыны цауæн стыр ахадындзинад кæй ис, уый.
Уæ зæрдыл уын лæууын кæнæм: патриотизмы хъомыладæн ахъазгæнæг паспорт раттыны æууæл фæсивæд сæ зæрдыл цæмæй бадарой, проект «Мах – Уæрæсейы граждæнтæ!» уымæ арæзт у.
Гæззаты Зæринæ,
Алагиры районы мидхъуыддæгты хайады инспектор
