Хетæгкаты Къостайы номыл паддзахадон университеты хæстон-ахуыргæнæн центры курсанттæ æмæ студенттæн скодтой æнæтæхæг авиацион системæтæн разамынддæттыны ахуыртæ.
Службæмæ равзарыны тыххæй бадзырд бафыссыны пункты специалисттæ фæсивæдæн равдыстой æнæтæхæг авиацион системæты алы хуызтæ, хъуыддаджы сæхи куыд æвдисынц, уыдæттæ дæр бацамыдтой.
Абон æнæтæхæг авиацион системæты æфсæдтæ сты, агуырд тынгдæр чи цæуы, сæ бындуры технологион авналæнтæ кæмæн ис, æфсады ахæм хайад. Æнæтæхæг авиацион системæты оператортæй службæмæ бацæуын кæй фæнды, уыдон, бадзырд бафысгæйæ, 1 сентябрæй фæстæмæ исынц иухаттон регионалон æххуыс 3600000 сомы бæрц.
Татьяна Шеходанова,
авторы ист къамтæ
