Хетæгкаты Къостайы номыл Цæгат Ирыстоны паддзахадон университеты кæронмæ ахæццæ сесси «Æдас Кавказ-2026».
Фæсивæдон политикæйы къабазы специалисттæ æмæ координацион центрты эксперттæ – Уæрæсейы 69 регионы минæвæрттæ — æрбамбырд сты æмæ бахыгътой сессийы бæрæггæнæнтæ. Æмбырд амыдта университеты социологийы кафедрæйы доцент Чихтисты Руслан.
Сесси цыд дыууæ къуырийы дæргъы, æмæ, уыцы бонтæм цы уынаффæтæ æмæ фæндæттæ хаст æрцыд, уыдонæн æмбырды архайджытæ скодтой иумæйаг хатдзæг. Ныхасы сæйраг фарстатæ уыдысты Кавказы регионалон æмæхсæнадты æдасдзинад бахъахъхъæныны хъуыддажы граждайнаг æхсæнады институты фæлтæрддзинадæй пайда кæнын, стæй Кавказы информацион æдасдзинадæн ахъазгæнæн мадзæлттæ аразын.
Уазджытæ бабæрæг кодтой Терроризм профилактикæйы дунеон культурон-патриотон центр «Беслан. Школа №1». Уый уыд программæйы асхджиагдæр хай æмæ адæмæн cæ зæрдыл æрлæууын кодта Уæрæсейы ног историйы æрцæуæг уæззаудæр цаутæ æмæ терроризмæй бахъахъхъæныны ныхмæ нæ хъарутæ баиу кæнын кæй хъæуы, уый.
Афтæмæй, сесси «Æдас Кавказ-2026»-æн йæ куыст кæронмæ ахæццæ. Ацы æмбырд равдыста, регионтæм цы фæлтæрддзинад ис, уый бамбырд кæныны фæрцы æппæт Цæгат Кавказы æдасдзинад дæр кæй ис бахъахъхъæнæн æмæ уыцы хъуыддаджы фæсивæдимæ кусыны методикон бындуртæ саразын.
Цæгат Ирыстоны паддзахадон университеты пресс-службæ
