Уæрæсейы Федерацийы Хицауад Цæгат Ирыстонæн радих кæндзæн 316,9 милуан сомы, агропромышленнон къабазы ахсджиагдæр хæстæ республикæ ацы аз цæмæй сæххæст кæна, уый тыххæй.
Уыцы нысанимæ Цæгат Кавказы федералон зылды æхсæз регионæн æдæппæт радих кæндзысты 5,5 миллиард сомæй фылдæр. Цæгат Ирыстонæй уæлдай финансон æххуыс райсдзысты Дагестан, Кæсæг-Балхъар, Стъараполы край, Хъæрæсе-Черкесты æмæ Мæхъæлы республикæтæ.
Уæрæсейы Федерацийы иннæ субъекттæн субсидиты хуызы лæвæрд æрцæудзæн 32,5 миллиард сомы ахджиагдæр проекттæ сæххæст кæныны тыххæй. Уæрæсейы Хицауады куыд æмбарын кæнынц, афтæмæй æхца лæвæрд цæуынц хъæууон хæдзарады райрæзты паддзахадон программæйы фæлгæты. Уыцы программæйы фæрцы федералон бюджетæй субсидиты хуызы æххуыс лæвæрд цæуы хортыды фæзуæттæ, хъæууонхæдзарадон фос æмæ аквакультурæйы объекттæ бафæдзæхсыны фæдыл бадзырдтæм гæсгæ фæдзæхстадон премийы хай бафидынæн. Уыцы нысантæн федералон бюджет ацы аз бахардз кæндзæн 5,5 миллиард сомæй фылдæр.
Нæ уацхæссæг
