РЦИ-Аланийы Сæргълæууæг Сергей Меняйло зæрдæбын арфæтæ ракодта УФ-йы Президент Владимир Путинæн йæ райгуырæн боны фæдыл.
Нæ республикæйы Сæргълæууæджы ныхæстæм гæсгæ, нæ бæстæйы Президент йæ цард снывонд кодта Уæрæсейы хæрзамондæн. Æнцон рæстæджытæ æмæ йæм бæрнондзинад не ‘рхаудысты нæ егъау паддзахады фидæн аразынæн.
– Æз стыр аргъ кæнын, Президент мæм цы æууæнкдзинад бавдыста, уымæн. Кæмдæриддæр уон, кусон – алы ран дæр ын йе ‘ххуыс æнкъарын. Стыр бузныг дзы дæн, Уæрæсе æмæ нæ республикæйы хæрзамондæн фыдæбон кæныны фадат мын кæй ратта, уымæй. Цæгат Ирыстоны цæрджыты номæй Президентæн арфæтæ кæнын йæ райгуырæн боны фæдыл. Нæ националон раздзогæн мæ зæрдæ зæгъы фидар æнæниздзинад, хъару, уæнгрог æмæ æнтыстдзинæдтæ. Дæ райгуырæн боны хорзæх дæ уæд, Владимир Владимиры фырт. Мах демæ стæм, – ныффыста йæ социалон хызты Сергей Меняйло.
