РЦИ-Аланийы Сæргълæууæг Сергей МЕНЯЙЛО фембæлд Уæрæсейы Хъæбатыртæ — гвардион мотоæхсæг 70-æм полчъы 42-æм мотоæхсæг дивизийы командиры хæдивæг АБАЙТЫ Юри æмæ 58-æм æфсады службæгæнæг Николай СОКОЛОВИМÆ.
Абайты Юри радзырдта, сæрмагонд æфсæддон операцийы архайджыты размæцыдæн ахъазгæнæг программæ йын куыд æнтысы, уый тыххæй. Программæ хуыйны «Хъæбатырты рæстæг», йæ тыхы бацыд Уæрæсейы Президенты фæдзæхстмæ гæсгæ. Æххæстгонд цæуы Уæрæсейы Адæмон хæдзарады наукæты академи æмæ паддзахадон службæйы разамынды паддзахадон скъолайы.
Уый фæрцы сæрмагонд æфсæддон операцийы архайджытæй цæттæ кæндзысты бæрзонд квалификациимæ, иттæг хорз зонындзинæдтимæ арæхстджын разамонджытæ, цæмæй сæ бон æрлæууын уа муниципалон æмæ паддзахадон хицаудзинады оргæнты, паддзахадон компаниты. Ахуырады иу хай у практикæ. Абайты Юрийæн зондамонæг фæуыдзæн РЦИ-Аланийы Сæргълæууæг Сергей Меняйло. Бацамондзæн паддзахадон службæйы куысты фæтк.
Республикæйы Сæргълæууæг куыд фæбæрæг кодта, афтæмæй райгондæй йæ зонындзинæдтæ, арæхстдзинæдтæ равдисдзæн. Цæгат Ирыстоны разамонджытæ дæр æхсызгонæй сæмбæлдзысты æфсæддонты бахызтыл хицаудзинады оргæнтæм. Сæхи равдисынæн сын æппæт фадæттæ дæр сараздзысты.
Николай Соколов ссыд Хъырымæй, йæ службæ æххæст кæны Дзæуджыхъæуы 58-æм æфсады. Уый дæр архайы программæ «Хъæбатырты рæстæг»-ы, йæ ахуыр дзæбæх цæуы, йæ размæ æвæры нысантæ.
РЦИ-Аланийы Сæргълæууæг æмæ Хицауады пресс-службæ
