Æрыдоны æрбынæттонуæвæг Цæгат Кавказы аграрон-технологион
колледжы студенттæ Быгъуылты Хетæг æмæ Сергей Третьяков архайынц Дæллаг Новгороды облæсты цæуæг «Профессионалтæ-2026» профессион дæсныдзинадæй чемпионаты регионалон хайы.
Национ проект «Беспилотные авиационные системы»-йы фæрцы кæй æххæст кæнынц, цæгатирыстойнаг лæппутæ архайынц ерысты ахæм ахадгæдæр къабаз «Внешнее пилотирование и эксплуатация беспилотных воздушных судов»-ы.
Сергей нымад у чемпионаты архайæгыл, Хетæг та – йæ зондамонæгыл. Нæ лæппутæн разамынд дæтты информацион райрæзтæй колледжы директоры хæдивæг Ахмед Муслимов.
Ныртæккæ нæ республикæ амынд национ проектмæ гæсгæ специалистты парахатæй цæттæ кæны. Фæсивæд æнæпилотон авиацион системæтæй пайда кæныныл цæмæй сахуыр уой, уымæн фадæттæ арæзт цæуынц. Æртыккаг аз цæгатирыстойнаг скъолаты кусынц амынд системæты 18 специализацигонд къласы, аграрон-технологион колледжы та – æнæпилотон авиацион системæты специалистты практикон цæттæкæнынады профилон центр.
– Дыууæ мин дыууын дыккæгæм азæй фæстæмæ нæ колледж архайы æнæпилот авиацион системæтæй пайдакæнынады хъуыддаджы. Электронон ахуырады технологитæй пайдагæнгæйæ, æнæпилот авиацион системæты специалисттæ цæттæ кæнæм. Уымæй уæлдай, цыппæрæм аз регионалон чемпионат «Профессионалтæ»-йы компетенци «Эксплуатация беспилотных авиационных систем»-мæ гæсгæ ерыстæ аразæм. Ацы аз чемпионаты фæткмæ бахастам ноджыдæр ма иу компетенци – «Внешнее пилотирование и эксплуатация беспилотных воздушных судов». Æнæпилотон авиацион системæтæй бæстæйы алыхуызон регионты цæуæг ерысты архайгæйæ дзы не студенттæ раззаг бынæттæ ахстой. Дæллаг Новгороды облæсты цæуæг регионалон чемпионаты архайыны фæрцы нæ фæсивæдæн ис æнæпилотон авиацион системæтæй пайдакæнынады къабазы ног зонындзинæдтæ райсыны фадат, – зæгъы колледжы хайад «Беспилотные авиационные системы»-йы разамонæг Бедойты Луизæ.
РЦИ-Аланийы
Ахуырад æмæ
наукæйы
министрады
пресс-службæ
