Фӕззӕджы ралӕудимӕ зынгӕ фӕфылдӕр вӕййы грипп ӕмӕ ӕндӕр ахӕм низтӕй рынчынты нымӕц.
Уыцы ӕууӕл хынцгӕйӕ, санитарон цӕстдарды службӕтӕ ацафон зынгӕ фӕахадгӕдӕр кӕнынц сӕ куыст. Уыимӕ, сӕрмагонд ӕргом здӕхт ӕрцӕуы профилактикӕйы мадзӕлттӕм. Федералон службӕ «Роспотребнадзор»-ы республикон управленийы пресс-службӕ куыд фехъусын кодта, афтӕмӕй ацы бонты байгом кодтой «комкоммӕ бастдзинады» лини. Сӕрмагонд номырӕй бадзургӕйӕ, алкӕцы адӕймагӕн дӕр фадат ис грипп ӕмӕ ӕндӕр низты профилактикӕйы фӕдыл специалисттӕм йӕ фарстытӕ бадӕттынӕн.
«Комкоммӕ бастдзинады» линимӕ бадзурӕн ис ахӕм телефонтӕй: 8(8672) 50-50-87, 51-97-60 ӕмӕ 50-51-37.(Лини кусдзӕн 22 октябры онг).
