Сæнусон кодтой æфсæддонты нæмттæ

0
353

 

Æфсæддон хæс æххæстгæнгæйæ чи фæмард, уыцы æфсæддон службæгæнджытæн Черменыхъæуы æрбынæттон уæвæг национ гвардийы æфсæдты оперативон нысаниуæджы батальоны территорийыл кадджын уагæй байгом цыртдзæвæн.

Мемориал сарæзтой æфсæддон хайы разамынды æмæ ветеранты советы хъæппæрисæй. Кадджын æмбырды архайдтой æфсæддонтимæ куысты фæдыл национ гвардийы æфсæдты цæгаткавказаг зылды командыгæнæджы хæдивæг, булкъон Михаил Романов, батальоны командир, дæлбулкъон Владимир Лисицын, «Росгвардия»-йы цæгатирыстойнаг управленийы хицау, булкъон Рæмонты Эльбрус, стæй бынæттон администрацийы минæвæрттæ æмæ фæмард уæвæг æфсæддон службæгæнджыты хиуæттæ.

— Фæмард уæвæг æфсæддонты рухс нæмттæ мысæм æмæ сын кад кæнæм. Алы æфсæддоны хæс у йе ‘мбæлтты рухс нæмттæ ма рох кæнын æмæ бахъуаджы рæстæг Фыдыбæстæйы сæраппонд хи цард нывондæн æрхæссын. Кæддæриддæр уыдзыстæм фæмард уæвæг æфсæддонты ныййарджыты æмæ сæ цоты раз, — загъта Михаил Романов.

Фæмард уæвæг æфсæддонты рухс нæмттæ мысгæйæ, æмбырды архайджытæ æдзæмæй алæууыдысты æмæ цыртдзæвæныл дидинджытæ æрæвæрдтой, фæстæдæр скъоладзаутæ арвмæ суагътой уæлдæфон шартæ. Амынд батальон æххæст кæны цæгаткавказаг регионы территорийыл барадон фæткæн фадæттæ аразыны фæдыл æфсæддон хæслæвæрдтæ. Æфсæддон хæс æххæст кæныны рæстæг æвдыст æхсары тыххæй батальоны 123 службæгæнæгæн (адонæй 58 адæймагæн — мæлæты фæстæ) саккаг кодтой алыхуызон хæрзиуджытæ.

УФ-йы Национ гвардийы æфсæдты цæгаткавказаг зылды пресс-службæ

ОСТАВЬТЕ ОТВЕТ

Please enter your comment!
Please enter your name here