Мæскуыйы кусæг балцы уæвгæйæ, РЦИ-Аланийы Хицауады Сæрдар ДЗАНАЙТЫ Барисæн фембæлд уыд Хъæды хæдзарады федералон агентады разамонæг Иван СОВЕТНИКОВИМÆ. Ныхасы архайджытæ æрдзырдтой, регионы хъæды хæдзарады къабазы цы программæтæ æмæ проекттыл куыст цæуы, ууыл.
Цæгат Ирыстоны Сæргълæууæг Сергей Меняйлойæн хицаудзинады федералон оргæнты разамонджытимæ фембæлдтыты рæстæг цы уынаффæтæ хаст æрцыд, уыдон æххæст кæныныл ныр кусынц республикæйы Хицауад æмæ профилон уæрæсейаг ведомствæтæ. Ацы фембæлд дæр баст уыд уыцы уынаффæтæ царды рауадзыны фарстатимæ.
Дзанайты Барис куыд бафиппайдта, афтæмæй ацы азы дæргъы Цæгат Ирыстоны хъæды хæдзарады комплексы нысангонд куыстытæн дихгонд æрцыд 100 милуан сомæй фылдæр. Уыцы фæрæзтæй сагъд цæуынц хъæды ног фæзуæттæ, æлхæд цæуынц æрдзон зынгсирвæзтытæ æмæ æндæр знаггадхæссæг æууæлтæй хъахъхъæнынады техникон ифтонггæрзтæ, ахæм æрдзон æнæнхъæлæджы цауты фæстиуджытæ иуварс кæныны хæдтулгæтæ æмæ афтæ дарддæр.
Æппæт уыцы фарстатыл афæдзы дæргъы куыст куыд цæуы, уымæн рагагъоммæ хатдзæгтæ скæнгæйæ, фембæлды архайджытæ се ’ргом аздæхтой, Хъæды хæдзарады федералон агентады программæтæ æмæ проектты Цæгат Ирыстон 2026 азы куыд архайынвæнд кæны, уымæ.
– Республикæйы хъæды хæдзарады комплексы нывылады мадзæлттæн ацы аз райстам 100 милуан сомы бæрц. Уыдоны фæрцы æппæт нысангонд архайд дæр цæуы пъланы бындурыл. Нæ республикæ хъæздыг у хъæды фæрæзтæй. Æмæ уыцы æрдзон фæзуæттæ æрмæст хъахъхъæнинаг не сты, фæлæ архайын хъæуы сæ дарддæры райрæзтыл дæр. Уыцы фарстаты регион æнгом æмгуыстад кæны федералон агентадимæ, – фæбæрæг кодта Дзанайты Барис.
Фембæлды архайæг уыд регионы æрдзон фæрæзтæ æмæ экологийы министр Бæззаты Вадим дæр.
РЦИ-Аланийы
Сæргълæууæг
æмæ Хицауады
пресс-службæ
