Цæгат Ирыстонæй сенатор Виталий Назаренко кæм архайдта, бæстæйы Федерацийы Советы уыд бынæттон хиуынаффæйады фарстаты фæдыл ахæм æмбырд. Ныхас цыд муниципалон æмвæзадыл стратегион пъланкæнынады ахсджиаг фарстатыл.
Уæ зæрдыл уын лæууын кæнæм: 2030 азы æмгъуыдмæ тыгъдадон райрæзты ног стратеги сæйраг æргом здахы муниципалон æмвæзадмæ. Æмбырдмæ цæттæ кæныны заман муниципалитетты ахсджиаг лыггæнинаг фарстатæ иртæстгонд æрцыдысты.
– Бынæттон æмвæзадыл стратегион пълантæ æмхуызон уагæй цæттæгонд кæй нæ цæуынц, уый муниципалитетты сагъæсы æфтауы. Муниципалон æмвæзадыл кæуыл бакусынц, стратегион пъланкæнынады ахæм документтæм бæлвырд домæнтæ федералон закъоны кæй нæй, уый банымайæн ис амынд уавæры сæйраг аххосæгтæй иуыл. Бынæттон хиуынаффæйады оргæнтæм хи акттыл бакусынæн бæлвырд методикон нысантæ нæй. Муниципалитетты социалон-экономикон рæзтæн регионтæн тæккæ къаддæр домæнтæ фидар кæныны бар чи ратдзæн, амынд фарста алыг кæнынæн бæстæйы экономикон рæзты министрадæн хæссæм ахæм барадон фæткыл ахъуыды кæныны фæндон, – загъта Виталий Назаренко.
Стратегион пъланкæнынады къабазы бынæттон хиуынаффæйады оргæнты кусджыты профессион цæттæдзинады къæпхæн фæуæлдæр кæныны
хъуыддаг нымад у ноджыдæр ма иу ахсджиаг фарстайыл. Ацы фарста алыг кæнынæн сенатортæ Уæрæсейы Уæлдæр ахуырад æмæ наукæйы министрадæн бахастой, муниципалитетты домæнтæ хынцгæйæ, Экономикон рæзты министрадимæ иумæ астæуккаг æмæ уæлдæр ахуырады стандарттæ фæнывыл кæныны фарстайыл æрныхас кæныны фæндон.
Уымæй уæлдай, парламентариты хъуыдымæ гæсгæ, адæмимæ бынæттон хицаудзинады æнгом æмгуыстадæн фадæттæ саразын æбæлы.
Æлборты Зæлинæ,
УФ-йы сенаторы
æххуысгæнæг
