РЦИ-Аланийы Сæргълæууæг Сергей Меняйлойæн 2025 азы 3 де-
кабры уыдзæн «комкоммæ бастдзинады лини» Цæгат Ирыстоны цæрджытимæ. Фембæлды райдайæн – 17 сахатыл.
Уый тыххæй фехъусын кодта республикæйы Сæргълæууæг æмæ Хицауады пресс-службæ.
Уыимæ, иннæ хæттыты куыд уыд, афтæ та ныр дæр адæмæн ис РЦИ-Аланийы Сæргълæууæгмæ сæ фæрстытæ рагагъоммæ бадæттыны фадат. Уыцы хъуыддаг бакæнæн ис цалдæр (кæмæн куыд æнцондæр у) хуызы:
9 сахатæй 18 сахаты онг ахæм телефонæй бадзургæйæ: +7 (8672) 33-30-50;
Паддзахадон лæггæдты сайты «дыууæрдæм бастдзинады платформæйы» фæрцы фарст бадæтгæйæ;
социалон хызæгтæ «ВКонтакте» æмæ «Одноклассники»-йы РЦИ-Аланийы Сæргълæууæджы аккаунтты фиппаинаг ныффысгæйæ.
Уымæй уæлдай, фæрстытæ бадæттæн ис видео-нывты хуызы дæр (уыдон барвитæн ис ахæм электронон постмæ: pressa@alania.gov.ru).
«Комкоммæ бастдзинады лини»-йы трансляци уыдзæн:
телеканал «Осетия-Ирыстон»-ы эфир æмæ сайты;
«Telegram» æмæ «ВКонтакте»-йы РЦИ-Аланийы Сæргълæууæджы аккаунтты;
РЦИ-Аланийы Сæргълæууæг æмæ Хицауады официалон сайты;
телерадиокомпани «Алания»-йы сайты;
радио «Алания FM»-ы эфиры.
Уыимæ, телефон: +7 (8672) 33-30-50 кусдзæн комкоммæ эфиры рæстæг дæр.
