Ацы аз Цæгат Ирыс-тон агропромышленнон комплексæн кусджыты цæттæ кæныны хъуыддагæн радих кæндзæн 48,4 милуан сомы.
Фарон æххæст кæнын кæй райдыдтой, амынд куыст цæуы национ проект «Хойраджы æдасдзинадæн технологон ифтонгад»-мæ хауæг ахæм регионалон проект «Агропромышленнон комплексы кусджытæ»-мæ гæсгæ.
Национ проект куыд амоны, афтæ ивгъуыд аз регионы авд агротехнологон къласы ифтонггонд æрцыдысты нырыккон кусæнгæрзтæй. Ацы аз ноджыдæр ма авд къласы техникон уагæй сифтонг кæндзысты (ацы хъуыддагæн радих кодтой 31,5 милуан сомы, баззайæг фæрæзтæ та бахардз кæндзысты амынд кълæсты кусæг ахуыргæнджытæн разæнгардгæнæг фиддонтыл).
– Ныридæгæн нæ республикæйы сарæзтам дыууын æхсæз агротехнологон къласы. Национ проект «Хойраджы æдасдзинадæн технологон ифтонгад»-ы хæс у аграрон дæсныйæдты бæллиццагдзинад фæуæлдæр кæнын, аграрон къабазмæ курдиатджын фæсивæд æрбахонын æмæ фидæны дæсны специалистты цæттæ кæнынæн фадæттæ саразын, – зæгъы регионы хъæууон хæдзара-
ды министр Къусраты Алан.
РЦИ-Аланийы
Хъæууон хæдзарады
министрады пресс-службæ
