Зынаргъ æмбæлттæ!
Зæрдæбынæй уын арфæ кæнын Цæгат Кавказы федералон зылды сарæзты 16 азимæ!
2010 азы 19 январы Уæрæсейы Президент Владимир Путин рахаста бæстæйы хуссары ног федералон зылд саразыны тыххæй уынаффæ, йе сконды уыдысты фондз æфсымæрон регионы фидар культурон æмæ социалон бастдзинæдтимæ. Иумæйаг фæндонæй уыдысты алы адæймаджы æмæ паддзахады рæзтимæ баст.
Абон, цыбыр историон æмгъуыды фæстæ, нæ бон у фидарæй зæгъын, Цæгат Кавказ раззагдæр бынатмæ кæй рахызт, уый. Рæзынц экономикон бæрæггæнæнтæ, егъау æхсæнадон æмæ инвестицион проекттæ царды уагъд цæуынц, ног куысты бынæттæ аразæм, фæсивæды размæцыдæн фадæттæ ис.
Туристон инфраструктурæ хуыздæргæнгæ цæуы, нæ зындгонд курорттæн уый фæрцы фæзынд дарддæры райрæзты фадат, кавказаг уазæгуарзондзинадæн
милуангай адæймæгтæ аргъ кæнынц.
Уæрæсейы Президент Владимир Путины, федералон хицауады æххуысы руа-
джы, регионты цæрджыты куыстуарзондзинад æмæ патриотизмы фæрцы дарддæр дæр æххæст кæндзыстæм æппæтуæрæсеон æмæ зылды стратегион нысантæ, сæрмагонд æфсæддон операцийы хæстæ чи æххæст кæны, нæ уыцы хæстонтæн æххуыс кæндзыстæм.
Иумæ нæ къухы ног æнтыстытæ, уæлахизтæ кæй бафтдзæн, уый мæ фидарæй уырны. Цæгат Кавказ чи уарзы, йæ фидæн кæй æндавы, уыдонæн мæ зæрдæ зæгъы æнæниздзинад, амонд, хорздзинæдтæ æмæ æнтыстытæ!
Юрий Чайка, Уæрæсейы Президенты Æххæстбарджын минæвар
Цæгат Кавказы федералон зылды
