Ацы аз Дзæуджыхъæуы Æхсæнадон совет йæ
куыст араздзæн адæмы курдиæттæм гæсгæ.
Адæм cоветмæ кæй барвитынц, куысты ахсджиагдзинад уыцы курдиæттæй аразгæ кæй у, уый нымайгæйæ, Æхсæнадон советы президиумы ацы азы фыццаг æмбырды архайджытæ æрныхас кодтой адæмы интерестæм бардарæг фарстатыл.
Горæты цæрджытæ кæй фехъусын кодтой, Æхсæнадон советы уæнгтæ уыцы ахсджиагдæр фарстатыл куысты пълан сбæлвырд кодтой (ныхас цæуы социалон объектты цур транспортæн лæууæн бынæттæ радих кæнын, æхсæнадон тæлмытæ аразыны заман транспортæн дæлзæххон æмæ уæлзæххон лæууæн бынæттæ бацæттæ кæныны фæдыл аразджытимæ куыст æмæ бирæфатерон хæдзæрттæ аразыны рæс-
тæг контейнерон фæзтæн бынæттæ радих кæныны фарстатыл).
Уымæй уæлдай, банчы картæйæ товары аргъ кæм бафидынц, дуканиты ахæм кассæтæм бирæ рæстæг рады лæууын кæй бахъæуы, адæм уымæй хъаст кæнынц. Дзæуджыхъæуккæгтæ Æхсæнадон советы уæнгтæн бафæдзæхстой уынгты нæмттæ æмæ бæстыхæйтты номыртимæ информацион табличкæтæ бафидар кæнын.
Президиумы уæнгты ныхасмæ гæсгæ, ацы мæйы кæронмæ Æхсæнадон совет куысты æххæст пъланыл æрныхас кæндзæн.
Дзæуджыхъæуы
бынæттон
хиуынаффæйады
администрацийы
пресс-службæ
