Къахыл хирургион операци скæнынмæ цæттæ кæныны рæстæг 76-аз-
дзыд Анатоли æвиппайды йæхи æвзæр банкъардта. Фæстæдæр нæлгоймагмæ сæкæрниз рабæрæг.
Анатоли амынд эндокринон низæй 20 азы дæргъы сæйы. Царды ахсджиагдæр уысм адæймагмæ æвиппайды чи фæзыны, уыцы низы аххосæй æнæниздзинад фæцуды.
Ссæдз азмæ Анатоли дохтырты æххуысæй тæссаг низимæ цæрыныл са-
хуыр. Ныридæгæн æхсæзæм хатт «Сæкæрнизы скъола»-йы ахуырад ацæуæг нæлгоймагмæ ног зонындзинæдтæ фæзындысты. Ахуырад мингай рынчынтæн фæпайда. Чысыл хъуагæй 25 азы дæргъы нæ республикæйы эндокринон диспансер амынд ахуырад æххæст кæны.
«Сæкæрнизы скъола»-ты кусæг медиктæ адæмæн радзурынц пайдайаг уæнгдых куысты, æдас хойраг æмæ æндæр хъуыддæгты тыххæй хабæрттæ. Ахуырад цæуы къуырийы дæргъы фондз хатты. Низæн æнцондæр бафæразæн кæй фæрцы ис, рынчынтæн ахæм хъуыддæгты тыххæй хабæрттæ радзурынц. Ацы хъуыддæгтæ чи не ’ххæст кæны, уыцы адæймаг йе ’нæниздзинад ницæмæ дары.
«Сæкæрнизы скъола»-тæ ис нæ республикæйы 12 медицинон кусæндоны. Фарон 3500 адæймагæй фылдæр ахуырад ацыдысты. Амынд низ Цæгат Ирыстоны рабæрæг 23 мин адæймагæй фылдæрмæ. Рынчынтæ рæстæгæй-
рæстæгмæ ацæуынц диспансеризаци, хостæ сын асламдæр æргътыл рауæй кæнынц.
Дохтырты уынаффæтæ æххæстгæнинаг кæй сты, рынчынтæй уый рох хъуамæ ма уа. Дзæбæхкæнынады фæтк чи æххæст кæны, уыцы адæймаг низы уæззау фæстиуджытæй хызт уыдзæн.
Джихаты Стэллæ
