Компани «Россети Северный Кавказ»-ы дæлхайад – куыстуат «Севкавказэнерго»-йы специалисттæ 2026 азы дæргъы техникон рацарæзт æмæ бындурон цалцæджы мадзæлттæ сæххæст кæндзысты 77 цæгатирыстойнаг дæлстанцæйы.
«Энергетиктæ раивдзысты трансформатортæ æмæ æндæр техникон фæрæзтæ. Уыимæ, дæлстанцæтæ ифтонггонд цæуынц ног фыдыбæстæйаг техникæйæ. Цалцæджы пълантæм хаст дæлстанцæты иумæйаг хъару у 110 киловаттæй фылдæр – уыдон электрон тыхæй æфсадынц Дзæуджыхъæу æмæ республикæйы æппæт районтæ», – радзырдта «Севкавказэнерго»-йы пресс-службæйы минæвар.
Компанийы куыд фæбæрæг кодтой, афтæмæй рацарæзты куыстытæй уæлдай, базилдзысты дæлстанцæты алфамбылай фæзуæттæм дæр, бакæндзысты фæлгонцады куыстытæ.
Ахæм техникон нывылады куыстыты фæрцы зынгæ фæхъомысджындæр уыдзæн промышленнон æмæ хъæууонхæдзарадон куыстуæтты, социалон кусæндæтты, туризмы объекттæ æмæ цæрæн хæдзæртты ифтонгад электрон тыхæй. Уыимæ, æппæт цалцæггæнæн куыстытæ дæр компани бакæндзæн йæхи хардзæй.
Нæ уацхæссæг
