Фондзсæдæ лæппу æмæ чызджы бæрц ахуырад кæм цæуынц, æстдæс цæгатирыстойнаг ахуыргæнæндоны кусынц 26 ахæм профилон аграрон къласы.
Хæххон паддзахадон аграрон университеты, стæй нæ республикæйы Ахуырад æмæ Хъæууон хæдзарады министрадты специалисттæ иумæйагæй кусынц проектыл. Скъоладзаутæ урокты рæстæг кæй райсынц, уыцы теорион зонындзинæдтæй фæстæмæ сывæллæттæн саразынц практикон ахуырад дæр. Амынд университеты ахуыргæнджытæ рæстæгæй-рæстæгмæ сывæллæттæм æрбацæуынц. Уымæй уæлдай, нæ республикæйы агропромышленнон куыстуæттæ бабæрæг кæнгæйæ, фæсивæд дзы куыстадон фæтк комкоммæ уагæй фенынц.
Ныртæккæ нæ республикæ хъæууон хæдзарады къабазы дæсны специалистты хъуаг у. Агрокълæсты фæрцы фæсивæд сæ дарддæры цард агропромышленнон комп-
лексы куыстимæ кæй сбæтдзысты, ууыл зæрдæ дарæн ис.
Саутæты Тамилæ
