Джеоргуыбайы бæрæгбоны Арфæ

0
1071

Зынаргъ æмзæххонтæ! Джеоргуыбайы бæрæгбоны фæдыл арфæ кæнын, нæ фыдæлтыккон æгъдæуттæ зынаргъ æмæ табуйаг кæмæн сты, уыдонæн се’ппæтæн дæр! Ацы æвæджиауы бæрæгбон раджы сси æппæтадæмон, бæрæг æй кæнынц республикæйы алкæцы бинонтæ дæр. Уымæй мах кад кæнæм, фæлтæрæй-фæлтæрмæ цы хорз æмæ рæсугъд ирон æгъдæуттæ цæуынц, уыдонæн. Нæ фыдæлтæ куыд кодтой, афтæ мах дæр къуырийы дæргъы кувдзыстæм Ирыстоныл аудæг æмæ армдарæг Уастырджимæ, курдзыстæм дзы, цæмæй нын нæ зæхх фыдбылызтæй хиза, цæмæй нæ хайджын кæна сабырдзинад æмæ фæрныг цардæй. Хуыцау æмæ зæдтæм кувгæйæ, нæ хистæртæ æрыгон фæлтæртæн ногæй амондзысты, куыд уарзын хъæуы фыды-уæзæг, куыд ахсджиаг у уазæгуарзаг фысым æмæ рæдаузæрдæ сыхаг уæвын. Уæдæ Уастырджи йæ хъахъхъæнæг уæд нæ Ирыстонæн, æнгомдæр нæ кæнæд, цæмæй рæстæджы тыхстдзинæдты сæрты æнтыстджынæй хизæм, цæмæй нæ нысантæ къухы æфтой! Амондджын, æнæниз æмæ фæрнджын уæм! Джеоргуыбайы хорзæх уæ уæд!

ÆГЪУЫЗАРТЫ Тамерлан,
Республикæ Цæгат Ирыстоны-Аланийы Сæргълæууæг

ОСТАВЬТЕ ОТВЕТ

Please enter your comment!
Please enter your name here